Teksti, i cili u
hartua kryesisht nga Gjermania dhe Ruanda, synon të ndihmojë në kujtimin e
gjenocidit të më shumë se 8,000 muslimanëve boshnjakë në verën e vitit 1995.
Ata u vranë nga njësitë serbe gjatë Luftës së Bosnjës. Masakra konsiderohet si
një nga krimet më të rënda të luftës në Evropë që nga Lufta e Dytë Botërore.
“Iniciativa jonë
ka të bëjë me nderimin e kujtimit të viktimave dhe mbështetjen e të mbijetuarve
që vazhdojnë të jetojnë me plagët e kësaj kohe fatale”, tha ambasadorja
gjermane në OKB Antje Leendertse.
Pothuajse të
gjitha shtetet e Ballkanit votojnë për Ditën e Përkujtimit
Në votim, pati 19
vota kundër - e pazakontë për rezolutat realisht unanime në ditët përkujtimore.
Përveç Serbisë, Kinës dhe Rusisë, kundër tekstit votoi edhe Hungaria. 68 vende
abstenuan. Për tekstin votuan 84 anëtarë të OKB-së, duke përfshirë pothuajse të
gjitha shtetet e Ballkanit.
Qeveria serbe
kishte shprehur pakënaqësi me tekstin, duke argumentuar se rezoluta do të
ndante rajonin dhe do të krijonte një hierarki mes viktimave të luftës.
Presidenti Aleksandar Vuçiç akuzoi Gjermaninë se "e mban të fshehtë"
punën për rezolutën. Vendimi po hap plagë dhe do të shkaktojë “kaos” në
Ballkan.
Vuçiq argumentoi
se rezoluta e OKB-së do të dënonte kolektivisht "popullin serb" - në
fakt, ajo nuk e përmend Serbinë as me emër. Rezoluta “dënon pa kushte çdo mohim
të gjenocidit të Srebrenicës si një ngjarje historike” dhe veprimet që
lavdërojnë të “dënuarit nga gjykatat ndërkombëtare për krime lufte, krime
kundër njerëzimit dhe gjenocid”.
Dita e Përkujtimit është planifikuar të festohet zyrtarisht për herë të parë në vitin 2025.
Comments