Me përfundimin e luftës dhe çlirimin e Kosovës. Në rrethanat e reja të krijuara në Kosovën e lirë, në mënyrë rapide filloi zbehja deri në shuarje e organizimit kombëtar të mërgatës sonë. Shumë shoqata, klube e grupime partiake pushuan aktivitetin.
Si rezultat i pasivitetit organizativ, mërgata jonë u orientua në kontributin direkt financiar dhe ekonomik në ngritjen e ekonomisë dhe mirëqenies individuale familjare të shkatërruar nga lufta.
Shikuar nga ky këndvështrim, në periudhën e bashkëqeverisjes së LDK-së dhe PDK-së, z. Hashim Thaçi dhe Isa Mustafa, arritën një ujdi për shuarjen e aktiviteteve partiake në mërgatë dhe kështu mori fund arsyeja e organizimit partiak në mërgim.
Përkundër kësaj, LDK edhe pse pushoi veprimtarinë, në heshtje ruajti të paprekura strukturat e ish organizimit partiak.
LVV në rritje në Kosovë, u tregua më e shkathtë dhe ngriti fillet e organizimit të strukturave të kufizuara partiake, e cila, në mungesë të organizimeve tjera, arriti të mobilizojë një pjesë të mërgatës dhe më 2020, në zgjedhjet parlamentare, fitoi numrin më të madh të mërgimtarëve. Edhe në zgjedhjet e jashtëzakonshme më 2021, LVV doli më e votuara nga sasia e mërgatës që votuan. Tani më dihej që, shumë aktivistë, kryesisht të LDK-së, në mungesë të organizimit të partive të preferuara në mërgatë votuan LVV.
Nga viti 2022, me iniciativë të disa mërgimtarëve me përvojë dhe njohuri organizative, u bë përpjekje në formimin e pikave me synim të shtrirjes organizative të LVV-së në gjithë territorin gjerman. Një Pikë u themelua me 63 anëtarë, ndërsa ishin bërë përgatitje edhe për themelimin e pikave të tjera, por, prej atyre që thirreshin si kryesi e Qendrës së LVV në Gjermani, me justifikimin se, çdo anëtar veç e veç, u dashka të verifikohet në qendër si i përshtatshëm apo i mospërshtatshëm politikisht…. Imponuar nga këto absurde, lehtë konstatohet se LVV në Gjermani, thirret në një kryesi fiktive të vetëzgjedhur me 16 pika kryesisht fiktive, shumica pa asnjë anëtar ose me numër simbolik!
Arsyeja pse, në zgjedhjet e 9 shkurtit 2025, numri i votuesve të LVV në Gjermani ka rënë dhe i LDK-së është ngritur, sepse muaj më parë, iu rikthyen organizimit, riaktivizuan strukturat dhe votuan LDK-n
Vetëm në periudhën 6 mujore deri në zgjedhjet e 9 shkurtit, LDK formoi rreth 40 nëndegë në gjithë territorin e Gjermanisë Federale.
S. Sopi / Xh. Selmani
Comments